ನುಡಿನಮನ
ತಿಮ್ಮನಾ ನುಡಿಗಳಲಿ ಕಗ್ಗವನು ಹೊಸೆಯುತಲಿ
ಬೊಮ್ಮನಾ ಸೃಷ್ಟಿಯನು ಬಣ್ಣಿಸಿದರು ಒಮ್ಮನದಲಾಲಿಸೈ ಸಾಕ್ಷಾತ್ ಗೀತೆಯಿದುವೆ
ಹೊಮ್ಮಿರುವ ರತುನವಿದು ನರಹರಿಸುತೆ
ವನಸುಮದ ವಿನಯವನು ಬಾಳಿನಲಿ ತರುತರುತ
ಘನಮಹಿಮೆ ತೋರಿದ ಮಹನೀಯರು
ಮನ ಮುಟ್ಟಿಸುತ ತತ್ತ್ವ ಕೊಡುತಲಿ ಬಾಳಿಗರ್ಥ
ದಿನಮಣಿಯೆ ಕನ್ನಡಕೆ ನರಹರಿ ಸುತೆ
ಅರಳುಮಲ್ಲಿಗೆಯಂಥ ಘಮದ ಪರಿಮಳ ಸೂಸಿ
ಸರಳ ನುಡಿಗಳಲಿ ಗಹನತೆಯ ತಿಳಿಸಿ
ಮರಳು ಮುನಿಯನ ಮಾತುಗಳ ರಚಿಸುತಲಿ
ಚಿರಕಾಲ ನಿಂತವರು _ನರಹರಿಸುತೆ
ಸುಜಾತಾ ರವೀಶ್
ಕಾಮೆಂಟ್‌ಗಳಿಲ್ಲ:
ಕಾಮೆಂಟ್‌ ಪೋಸ್ಟ್ ಮಾಡಿ